15 mart
15 mart 1897 - Xalq artisti, məşhur aktyor Ağasadıq Gəraybəyli anadan olub...
Azərbaycan
15 mart 1893 - Azərbaycan saz-söz sənətinin tanınmış nümayəndəsi Aşıq Şəmşir (Şəmşir Qurban oğlu Qocayev, 1893-1980) Kəlbəcər rayonunun Dəmirçidam kəndində anadan olub.
15 mart 1893 - Aşıq İslam (İslam Qara oğlu Yusifov; 1893- 7.12.1968) Göyçə mahalının Basarkeçər bölgəsinin (indiki Ermənistanın Vardenis rayonu) Nərimanlı kəndində doğulub.
15 mart 1897 - Xalq artisti, məşhur aktyor Ağasadıq Ağaəli oğlu Gəraybəyli (1897-1988) Şamaxıda anadan olub. “Bəxtiyar” (Ağabala Hüseynov), “O olmasın, bu olsun” (Rüstəm bəy), “Qızmar günəş altında” (Sərdarov) və s. filmlərdə yaddaqalan obrazlar yaradıb.
15 mart 1941 - Tanınmış şair, tərcüməçi, publisist İsa Mustafa oğlu İsmayılzadə (1941 - 14.7.1997) Gürcüstanın Qarayazı (indiki Qardabani) rayonunda anadan olub.
15 mart 1941 - Şair, tərcüməçi, nasir Ələkbər Salahzadə (Ələkbər Baba oğlu Məmmədsalahlı; 1941-1.9.2013) Quba rayonunun Cimi kəndində anadan olub. “Azərbaycan” jurnalında, Azərbaycan Sovet Ensiklopediyasında, “Gənclik” nəşriyyatında, Azərbaycan Yazıçılar İttifaqında, “Ulduz” jurnalında məsul vəzifələrdə çalışıb. "Qobustan" jurnalının baş redaktoru olub.
Dünya
15 mart 1830 - Alman yazıçısı, ədəbiyyat üzrə “Nobel” mükafatı (1910) laureatı Paul Heyze (Paul Johann Ludwig von Heyse , 1830-1914) anadan olub. Romanların (“Əsrin uşaqları”, “Cənnətdə” və s.), novella, pyes və poetik topluların müəllifidir.
15 mart 1924 - Rus yazıçısı, ssenarist Yuri Vasilyeviç Bondarev anadan olub. Əsərləri: “Batalyonlar atəş istəyir”, “Qaynar qar”, “Sahil”, “Sükut” və s.
15 mart 1924 - SSRİ Xalq artisti, aktyor Vladimir Yakovleviç Samoylov (1924-1999) anadan olub. “Azərbaycanflim”in istehsalı olan “İyirmi altı komissar” (Şaumyan), “Ulduzlar sönmür” (Nərimanov) filmlərində çəkilib.
15 mart 1932 - Məşhur Polşa rejissoru və ssenaristi Yeji Hoffman (Jerzy Hoffman) anadan olub. Filmləri: “Ara həkimi”, “Od və qılıncla” və s.
15 mart 1937 - Tanınmış rus yazıçısı Valentin Qriqoryeviç Rasputin (1937 - 14.3.2015) anadan olub. “Mariya üçün pullar”, “Yaşa və unutma”, “Yanğın” və s. romanların müəllifidir.
15 mart 1943 - Kanada-Amerika rejissoru, aktyor, müstəqil kinonun tanınmış simalarından biri Devid Kronenberq (David Cronenberg) anadan olub.
15 mart 1968 - İtalyan estrada müğənnisi Sabrina (Norma Sabrina Salerno) anadan olub.
Hazırladı: Vüqar Orxan
Bax həmçinin: