“Fəxr edirəm ki, mən azərbaycanlıyam”

Heydər Əliyev
10.03.2014, 15:56
1600

“Dünya Xocalıda nə baş verdiyi barədə düşünməlidir”

Litva qəzetində millət vəkili Rövşən Rzayevin Xocalı faciəsi haqqında müsahibəsi dərc olunub
A- A+

Litvanın ən nüfuzlu nəşrlərindən biri sayılan “Lietuvos zinios” qəzetinin 25 fevral nömrəsində Milli Məclisin deputatı, “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin idarə heyətinin üzvü Rövşən Rzayevin “Naməlum Xocalı faciəsi” sərlövhəli müsahibəsi dərc olunmuşdur.

Deputat Rövşən Rzayev Xocalı faciəsinin 22-ci ildönümünə həsr olunmuş müsahibədə (http://lzinios.lt/lzinios/Pasaulis/chodzali-nezinoma-tragedija/174403) demişdir ki, Dağlıq Qarabağda yerləşən Xocalı şəhərində bəşəriyyət əleyhinə dəhşətli cinayət törədilmişdir və bu cinayətə nəinki beynəlxalq hüquqi qiymət verilməmişdir, üstəlik, bütövlükdə dünyanın bu faciə barədə məlumatı çox azdır. R.Rzayev bildirmişdir ki, “Xocalı” sözü hər bir azərbaycanlı üçün Dağlıq Qarabağda dinc azərbaycanlı əhalinin soyqırımı deməkdir. O, Xocalı soyqırımı barədə ətraflı informasiya verərək, Ermənistanın indiki prezidenti Serj Sarkisyanın sözlərini sitat gətirmişdir: “Biz azərbaycanlılara göstərdik ki, silahsız insanlara hücum edə bilərik”.

R.Rzayev demişdir: “Bu, bizi indiyədək göynədən faciədir. İstəyirik ki, beynəlxalq birlik Azərbaycan xalqına qarşı törədilmiş soyqırımından xəbər tutsun”.

Azərbaycan deputatı əmindir ki, beynəlxalq birlik belə bir soyqırımın müasir dünyada baş verdiyini başa düşmək iqtidarında deyildir. O demişdir: “Lakin tərəqqi var: bu gün Xocalı soyqırımı ABŞ ştatlarının çoxu tərəfindən tanınmışdır”.

Milli Məclisin deputatı jurnalistin “Osmanlı imperiyasında ola bilsin ki, baş vermiş erməni soyqırımı barədə hamının məlumatı var, amma Xocalı barədə heç nə məlum deyil” sualına cavabında bildirmişdir ki, ermənilər guya Birinci dünya müharibəsi zamanı baş vermiş soyqırımından çox danışırlar. Əslində, bu, nə etnik təmizləmə, nə də soyqırımı olub. Buna görə də ermənilər Türkiyə arxivlərindəki materialların beynəlxalq ekspertlərlə birlikdə araşdırılması barədə Türkiyənin təklifindən imtina edirlər.

O demişdir: “Xocalıdan danışanda nəzərə almalıyıq ki, bu faciə SSRİ dağılandan sonra, Ermənistan və Azərbaycan suveren dövlət olduqları bir vaxtda baş vermişdir. Azərbaycan ərazilərində etnik təmizləmə və onların işğal olunması siyasəti də həmin vaxt aparılmışdır. Həmin siyasəti rəhbər tutan ermənilər 1992-ci il fevralın 17-də Dağlıq Qarabağın Qaradağlı kəndində soyqırımı aktı törətmişlər. Bu, ilk addım idi, sonra Xocalıda daha böyük soyqırımı törədildi”.

R.Rzayev vurğulamışdır ki, Azərbaycan dünya birliyinə müraciət edərək, onu Xocalı faciəsinin bir daha təkrarlanmaması üçün orada nə baş verdiyi barədə düşünməyə çağırır. O demişdir: “Biz bu barədə erməni icmasının nümayəndələri ilə də danışmağa çalışırıq, lakin belə başa düşürük ki, onlar gələcək nəsillərin rifahı naminə sülh şəraitində yaşamağı təmin edə biləcək dialoqdan hər vasitə ilə boyun qaçırırlar”.

R.Rzayev “Litvalıların Xocalı barədə yetərincə məlumatı varmı” sualına cavabında demişdir: “Erməni lobbisi hər vasitə ilə bu məsələnin qarşısını alır. Demək olar, buna nail olur. Biz isə sadəcə, beynəlxalq hüquqa söykənən obyektiv beynəlxalq qiymət verilməsini istəyirik”.

R.Rzayev ümidvar olduğunu bildirmişdir ki, bu gün belə bir qiyməti Aİ-nin üzvü kimi məhz Litva verə bilərdi. Məsələn, Almaniya parlamenti artıq bunu etmiş, Azərbaycan ərazilərinin işğalı faktını tanımışdır. Sonuncu fakt BMT-nin üzvü olan bütün ölkələr tərəfindən tanınır. Təəssüf ki, hazırda Avropa parlamentində Xocalı faciəsi barədə konkret məsələlər qaldırılmır.

O demişdir: “Ümidvarıq ki, beynəlxalq məhkəmə nə vaxtsa öz nəticələrini təqdim edəcəkdir, çünki yetərincə sənəd toplanmışdır. Biz Cənubi Qafqazda sülhü bərpa etmək istəyirik. Müasir dünyada orta əsr istilaları barədə fikirlərlə yaşamaq olmaz, gələcək əməkdaşlıq barədə düşünmək lazımdır”.

AzərTAc

Xəbərlər
Ermənilərin yerlə-yeksan etdikləri Cəbrayılda tikdikləri “ibadətgah” işğalçılığın nümunəsi idi

26.03.2021, 14:00 17

Şuşa dünyanın ən gözəl şəhərlərindən birinə çevriləcək

19.03.2021, 13:00 71

Qarabağda Türkiyə-Rusiya Birgə Monitorinq Mərkəzinin açılışı keçirilib

30.01.2021, 19:00 349

Əgər kimsə Ermənistanda revanş haqqında düşünürsə – bizim dəmir yumruğumuzu bir daha görəcək

15.01.2021, 15:00 407

2021-ci il Azərbaycanda “Nizami Gəncəvi İli” elan edilib

06.01.2021, 10:00 71

Zəfər gətirən ildən yeni zəfərlərə doğru

31.12.2020, 11:00 350

Cəbrayılın azad olunması uğrunda canından keçən igidlər

26.12.2020, 17:00 418

Azərbaycan bu məsələni özü həll etdi, halbuki Minsk qrupu 28 il mandata sahib idi

13.12.2020, 09:00 580

"Mən müstəqilliyi Azərbaycan xalqı üçün ən böyük nailiyyət hesab etmişəm"

12.12.2020, 12:00 1306

Vətən müharibəsinin möhtəşəm finalı

11.12.2020, 11:00 596

Alban-udi dini icmasının nümayəndələri Kəlbəcərdəki Xudavəng monastırını ziyarət ediblər

05.12.2020, 12:00 534

Müsəlmanlar, xristianlar, yəhudilər Vətən müharibəsi şəhidlərini yad ediblər

04.12.2020, 17:00 455

Vətən müharibəsi şəhidlərinin xatirəsi bir dəqiqəlik sükutla anılıb

04.12.2020, 14:00 351

Cənubi Qafqaz təhlükəsizlik və əməkdaşlıq baxımından yeni mərhələyə qədəm qoyur

03.12.2020, 10:00 335

Yaşasın bizim çoxmillətli Azərbaycan xalqı!

01.12.2020, 17:00 126

Redaktorun seçimi