Azərbaycan dünyada > Mədəniyyət – sülh elçisi

• Xoşməramlı səfir
• Azərbaycan korifeyləri dünyada

UNESCO-nun baş direktoru Koişiro Matsuura:

“Azərbaycanda milli mənəvi dəyərlərinin qorunması və dünyaya çatdırılmasında böyük işlər görülür”

Martın 18-dən 25-dək Bakı “Muğam aləmi” Beynəlxalq Festivalına ev sahibliyi etmişdir. Milli mədəniyyətimizin və xalq sənətimizin qorunması və inkişafına yüksək diqqət və qayğı göstərən Heydər Əliyev Fondunun təşkilatçılığı ilə dünyanın 40-dan cox ölkəsinin muğam ifaçısı Beynəlxalq Muğam Festivalında bir araya gəlmişdir.

İslam mədəniyyətinin paytaxtı Bakı bir həftə ərzində dunya mədəniyyətinin şah əsəri adlandırılan muğamın məkanına çevrilmişdir.

Şərq dünyasının ən qiymətli incisi sayılan muğam dünya ictimaiyyətinin nəzərlərini bir daha Azərbaycana yönəltmişdir. >>>

Bakı İslam mədəniyyətinin paytaxtıdır

2009-cu il fevralın 18-də “Bakı – İslam Mədəniyyəti Paytaxtı – 2009” tədbirlərinin təntənəli açılış mərasimi keçirildi

İslam Konfransı Təşkilatına (İKT) üzv ölkələrin elm, təhsil və mədəniyyət qurumu olan İSESCO-nun qərarı ilə Azərbaycanın paytaxtı Bakı şəhəri 2009-cu il üzrə İslam mədəniyyəti paytaxtlı elan olunub.

Bu barədə qərar İslam ölkələri mədəniyyət nazirlərinin 2007-ci il noyabrında Tripolidə (Liviya) keçirilmiş V konfransında qəbul olunub.

"İslam mədəniyyəti paytaxtları" proqramını təsdiq edən qətnamə İSESCO-nun təklifi ilə hələ 2001-ci ildə İslam ölkələri mədəniyyət nazirlərinin Qətərin paytaxtı Dohada keçirilmiş III konfransında qəbul edilmişdir. Həmin vaxt qəbul edilmiş qərara görə, Səudiyyə Ərəbistanının Məkkə şəhəri ilk “İslam mədəniyyəti paytaxtı” elan edilmişdi.

Bu ada namizəd şəhərin öz regionu və ölkəsi səviyyəsində zəngin tarixi olmalı, elmin, incəsənətin və ədəbiyyatın inkişafına xüsusi töhfə verməli, həm İslam mədəniyyətinə, həm də bütövlükdə dünya mədəniyyətinə xüsusi münasibəti ilə seçilməlidir. >>>