Bizim təqvim > Mart > 4

Tarixdə bu gün: Azərbaycan

 

“Bizim təqvim” rubrikası altında təqdim olunan “Tarixdə bu gün: Azərbaycan” bölməsi elektron xronoqraf formatında nəzərdə tutulub. Bu bölmədə Azərbaycan tarixinin, ictimai-siyasi, mədəni həyatın önəmli hadisələri, şəxsiyyətlər haqqında yığcam bilgilər təqvimin günləri üzrə təqdim olunur.

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr etmişdir.

Təqdim olunan bölmədə həmin kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 4 mart hansı fakt və olaylarla yadda qalıb?

 

4 mart

 

Şeyx Cüneyd türbəsi, Qusar rayonu

 1460 – Şeyx Cüneydin başçılıq etdiyi Səfəvi qoşunları ilə Şirvanşah I Xəlilullahın qoşunları arasında Samur çayı sahilində döyüş baş verib. Döyüşdə Səfəvi qoşunları məğlub olub və Şeyx Cüneyd öldürülüb.

Ondan sonra oğlu Şeyx Heydər Şirvanı və digər Azərbaycan torpaqlarını Səfəvi hakimiyyətinə tabe etdirməyə çalışsa da, o da 1488-ci ildə Şirvanşah ordusu ilə döyüşdə həlak olub.

Nəhayət, 1501-ci ildə hakimiyyətə gələn Şah İsmayıl (Xətai) Azərbaycan torpaqlarını birləşdirməyə və qüdrətli Səvəfi dövlətini qurmağa müvəffəq oldu.

Əlavə bax:

http://az.wikipedia.org/wiki/%C5%9Eeyx_C%C3%BCneyd_t%C3%BCrb%C9%99si

http://shekiteatr.azersayt.com/blog.html?page=comments&member=SM&newsid=232998

http://az.wikipedia.org/wiki/%C5%9Eirvan%C5%9Fah_I_X%C9%99lilullah

 

1842 – Məşhur Bakı milyonçusu, mesenat Ağamusa Nağıyev (1842-1919) anadan olub.

Ağamusa Nağıyev Bakıda 100-ə yaxın müyxtəlif təyinatlı bina inşa etdirib. Həmin nikililərin bir qismi bu gün də Azərbaycan paytaxtına gözəllik verməklə yanaşı, elm, təhsil, sosial, mədəni təyinatlı obyektlər olaraq («İsmailyyə» binası - MEA-nın Rəyasət Heyəti, Mərkəzi Klinik Xəstəxana və s.) fəaliyyət göstərir.

Ağamusa Nağıyev 77 yaşında, özünün doğum cünündə (4 mart 1919) vəfat edib.

Əlavə bax:

http://az.wikipedia.org/wiki/A%C4%9Fa_Musa_Na%C4%9F%C4%B1yev

http://bizimasr.media-az.com/arxiv_2003/mart/48/xatire.html

http://az.apa.az/news.php?id=170228

 

2001 – Parisdə Fransa prezidenti Jak Şirakın vasitəçiliyi ilə Azərbaycan və Ermənistan prezidentləri Heydər Əliyev və Robert Koçaryan arasında Dağlıq Qarabağ münaqişəsinin nizamlanması üzrə növbəti danışıqlar başlayıb.

İki gün (4-5 mart 2001) sürən gərgin danışıqlar Ermənistanın kompromissiz mövqeyi üzündən nəticəsiz bitib.

Əlavə bax:

http://azerbaycanli.org/az/page235.html

http://bizimasr.media-az.com/arxiv_2001/new_fev/247/pauza.html

http://bizimasr.media-az.com/arxiv_2001/new_mart/250/pauza.html

 

 * * *

Bax:

3 mart