Bizim təqvim > Fevral > 1

Tarixdə bu gün: Azərbaycan

 

“Bizim təqvim” rubrikası altında təqdim olunan “Tarixdə bu gün: Azərbaycan” bölməsi elektron xronoqraf formatında nəzərdə tutulub. Bu bölmədə Azərbaycan tarixinin, ictimai-siyasi, mədəni həyatın önəmli hadisələri, şəxsiyyətlər haqqında yığcam bilgilər təqvimin günləri üzrə təqdim olunur.

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr etmişdir.

Təqdim olunan bölmədə həmin kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 1 fevral hansı fakt və olaylarla yadda qalıb?

 

1 fevral

 

1930 – Sovet hökuməti (SSRİ Xalq Komissarları Soveti) "Kütləvi kollektivləşmənin sürətləndirilməsi və qolçomaqlarla mübarizə haqqında" qərar qəbul edib.

Kolxoz quruculuğu ilə bağlı genişmiqyaslı repressiya maşını Azərbaycanda da işə düşüb. Kolxoza qarşı çıxanlar ya məhv edilir, ya da sürgünə göndərilirdi.

Əlavə bax:

http://bizimasr.media-az.com/arxiv_2004/04/yaddas.html

 

1949 – Türkiyənin paytaxtı Ankarada "Azərbaycan Kültür Dərnəyi" təsis edilib.

Bu, dünyadakı azərbaycanlı diasporunun təşkilatlanması sahəsində ilk addım idi.

Bundan sonra, 1956-cı ildə Azərbaycan Xalq Cümhuriyyətinin milli təhlükəsizlik naziri Nağı bəy Şeyxzamanlının oğlu Saleh bəy Şeyxzamanlı ABŞ-da  Amerika Azərbaycan Cəmiyyətini təsis etdi.

Hazırda bu quruma N.Şeyxzamanlının nəvəsi Tomris Azəri rəhbərlik edir.

Əlavə bax:

http://azerbaycanli.org/az/page74.html

http://85.132.70.139/teze/teskilatlar/turkiye.htm

http://az.wikipedia.org/wiki/%C6%8Fhm%C9%99d_Qaraca

 

1994 – Erməni təxribatçı qrupu Bakı dəmir yolu vağzalında Kislovodsk-Bakı sərnişin qatarında partlayış törədib.

Terror aktı nətiəsində 3 nəfər həlak olmuş, 20 nəfər yaralanmışdı.

1990-cı illərin əvvəlində erməni təxribatçıları tərəfindən Azərbaycana qarşı onlarla terror aktı həyata keçirilib, bu qanlı olaylarda 2 mindən çox insan həlak olub.

http://www.mns.gov.az/terroractspart2_az.html

http://azerbaycanli.org/az/page387.html

 

 * * *

 

Bax:

31 yanvar