Bizim təqvim > Dekabr > 22

Tarixdə bu gün: Azərbaycan

 

“Bizim təqvim” rubrikası altında təqdim olunan “Tarixdə bu gün: Azərbaycan” bölməsi elektron xronoqraf formatında nəzərdə tutulub. Bu bölmədə Azərbaycan tarixinin, ictimai-siyasi, mədəni həyatın önəmli hadisələri, şəxsiyyətlər haqqında yığcam bilgilər təqvimin günləri üzrə təqdim olunur.

Bu işin bir qismi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirdiyimiz "Azərbaycançılıq - milli eyniyyətdən qlobal dünyaya pəncərə: tədqiqat və təbliğat platformu” layihəsi çərçivəsində "Azərbaycan tarixi günbəgün" kitab-təqvimi hazırlanarkən görülmüşdür.

Təqdim olunan bölmədə həmin kitab-təqvimin yenilənmiş elektron variantı yer alacaq.

Beləliklə, “Tarixdə bu gün: Azərbaycan” xronoqrafında 22 dekabr hansı fakt və olaylarla yadda qalıb?

 

22 dekabr

1911 - Görkəmli jurnalist, pedaqoq, professor Nəsir İmanquliyev (1911-1998) anadan olub. 

1947-ci ildən Azərbaycan Dövlət Universitetində pedaqoji fəaliyyət göstərib, jurnalist kadrların hazırlanması işinə böyük töhfə verib.

"Bakı" və "Baku" qəzetlərinin qurucusu və 30 ilə yaxın baş redaktoru olub. 

Əlavə bax:

http://www.lidertv.com/new/view.php?lang=az&type=news&menu=6&id=98845

http://www.anl.az/down/medeniyyet2007/may/medeniyyet2007_may_244.htm

http://www.az.apa.az/xeber_Nesir_Imanquliyeve_hesr_olunmush__172625.html

 

1919 – Azərbaycan Xalq Cümhuriyyətinin sonuncu, 5-ci hökumət kabineti parlamentdə təsdiqlənib.

Bundan öncəki 4-cü hökumət kabineti 1919-cu il martın 14-də qurulmuşdu. 1919-cu il sentyabrın 13-də baş nazir Nəsib bəy Yusifbəyli hökumətin sədri vəzifəsindən istefa vermişdi.

Cümhuriyyətin yeni hökuməti də N. Yusifbəylinin baş nazirliyi ilə təşkil olundu.

Əlavə bax:

http://azerbaycanli.org/az/page355.html

http://az.wikipedia.org/wiki/N%C9%99sib_b%C9%99y_Yusifb%C9%99yli

http://baki1918-20.azeriblog.com/2009/03/27/bir-daha-nesib-bey-yusifbeylinin-qetli-barede-meqale-525az-dan-goturulub

 

1920 - Tanınmış kinodramaturq, yazıçı, rejissor Həsən Seyidbəyli (1920-1980) anadan olmuşdur.

«Uzaq sahillərdə» (İmran Qasımovla birlikdə), «Cəbhədən cəbhəyə» romanlarının, pyeslərin, bir çox filmlərin ssenarilərinin müəllifidir.

Həsən Seyidbəyli Azərbaycan kinosunda rejissor kimi də yadda qalıb, bir neçə filmə quruluş verib.

Əlavə bax:

http://www.azeriart.net/kino/seyidbeyli.htm

http://az.wikipedia.org/wiki/H%C9%99s%C9%99n_Seyidb%C9%99yli

http://www.xalqqazeti.com/public/print.php?lngs=aze&ids=34955

 

1942 - Görkəmli hərbi xadim Həzi Aslanova birinci dəfə Sovet İttifaqı Qəhrəmanı adı verilib.

Sovet Ordusunda 55-ci tank briqadasının komandiri olan polkovnik Həzi Aslanov bu ada Stalinqrad döyüşlərində göstərdiyi igidliyə görə layiq görülmüşdü.

1944-cü ildə general-mayor Həzi Aslanov ikinci dəfə yüksək ada təqdim edilsə də, tarixi ədalət uzun illər sonra, 1991-ci ildə öz yerini tapdı.

Əlavə bax:

http://www.9may.az/hero_az.php?subaction=showfull&id=1115037718&archive=&start_from=&ucat=18&

http://az.wikipedia.org/wiki/H%C9%99zi_Aslanov

http://haslanov.azeriblog.com/

 

1992 - Ali Sovetin Milli Şurası “Azərbaycan Respublikasının dövlət dili haqqında” qanun qəbul edib.

Qızğın mübahisələrdən sonra, 50 deputatdan 34-nün lehihə səsi ilə qəbul edilən qanunda dövlət dilinin "türk dili" kimi təsbitlənməsi dilçi alimlər arasında və ümumən cəmiyyətdə ziddiyyət doğurmuşdu.

1995-ci ildə qəbul edilən Azərbaycan Konstitusiyasında dövlət dilinin adı “Azərbaycan dili” olaraq təsbitləndi.

2002-ci ildə parlament “Azərbaycan Respublikasının dövlət dili haqqında” yeni qanun qəbul etdi.

Əlavə bax:

http://www.xalqqazeti.com/public/print.php?lngs=aze&ids=3158

http://www.az-muallimi.com/arxiv/2009/n22/ardi2.html

 

1993 - Ermənistanın işğalçı qüvvələrinin hücümlarını dəf edən Azərbaycan Milli Ordusunun hissələri Fizüli rayonunun Arazboyu yaşayış məntəqələri istiqamətində əks-hücuma keçiblər.

Uğurlu əməliyyat nəticəsində rayonun bir sıra kəndləri və Horadiz qəsəbəsi işğaldan azad edildi.

 

1994 - Azərbaycanla Honduras arasında diplomatik münasibətlər qurulub.

 * * *

Bax:

►21 dekabr