Azərbaycanlı.org

Tariximiz > Sovet tarixi

* * *

Səssiz işğal

1920-ci ilin 28 apreli Azərbaycana məhz bu cür gəlmişdi, amma onun səsi sonra çıxdı və onilliklər boyu qulağımızdan əskik olmadı

1920-ci il aprelin 28-də Azərbaycan bolşevik Rusiyası tərəfindən ilhaq edilib və milli dövlətimizin - Azərbaycan Xalq Cümhuriyyətinin fəaliyyətinə son qoyulub. İndi orta məktəbin ibtidai sinif şagirdinə də bəlli olan bu fakt ilk dəfə olaraq rəsmən 1991-ci ilin 30 avqustunda o vaxtkı parlamentin - Ali Sovetin qəbul etdiyi "Azərbaycan Respublikasının dövlət müstəqilliyini bərpa etməsi haqqında Bəyannamə"də rəsmən təsbit edilmişdi.

Onilliklər boyu bizim xalq və ictimai toplum olaraq xəbərsiz olduğumuz, daha dəqiq desək, sovet rejiminin bizə qadağan etdiyi gerçək tarix arxivlərdə, üzümüzə bağlı qapıların o tayında qalıb. 28 aprel işğalının növbəti (89-cu) ildönümü ərəfəsində bu tarixə qayıtmağımızın səbəbi isə sadədir. >>>

* * *

20 Yanvar - hüzn və qürur günümüz

Xalqımız bu gün şəhid övladlarına matəm saxlamaqla bərabər, onların şəhidlik zirvəsinə baxıb başını dik tutmalıdır

"Qanlı Yanvar"ın 20-ci ildönümü tamam oldu. 20 il öncə, 1990-cı il yanvarın 19-dan 20-nə keçən gecə Azərbaycan xalqı qırmızı imperiyanın "Qızıl ordusu"nun, sovet hərb maşınının zoruna məruz qalmış, günahsız insanlar gülləbaran edilmiş, milli heysiyyatımız tankların tırtılları altına atılmışdı.

SSRİ Müdafiə Nazirliyi, DİN və DTK-nın hazırlayıb həyata keçirdiyi "Udar" kod adlı əməliyyatda əsas rolu xüsusi təyinatlı "Alfa" və SSRİ DTK-nın "A" təxribat qrupları oynamışdı.

Sovet qoşunlarının təcavüzü nəticəsində Bakıda 134 mülki vətəndaş öldürülmüş, 600-dən çox adam yaralanmışdı. Öldürülənlər arasında beş millətin nümayəndələri, 20-dən çox qadın, uşaq var idi.

20 Yanvar faciəsi Azərbaycan xalqını qorxutmaq, onun milli oyanışını, torpaq (Qarabağ) uğrunda mübarizliyini məhv edib sındırmaq məqsədi daşıyan mənfur planın tərkib hissəsi idi. >>>