Bizim təqvim > Oktyabr > 1

Tarixdə bu gün: Azərbaycan

“Bizim təqvim” rubrikası altında təqdim edilən “Tarixdə bu gün: Azərbaycan” bölməsi elektron xronoqraf formatında tərtib olunub.  

Bölmədə Azərbaycanın tarixi, ictimai-siyasi, mədəni həyatı, şəxsiyyətləri haqqında yığcam məlumatlar təqvimin günləri üzrə təqdim olunur. 

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr edib.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 1 oktyabr hansı fakt və olaylarla yadda qalıb?  

 

1 oktyabr

 

1827 – Rusiya qoşunları İranla müharibə (1826-1828) gedişində İrəvan qalasını ələ keçiriblər.

General Ivan Paskeviçin komandanlıq etdiyi rus qoşunları bundan az öncə (20 sentyabr) bölgədəki əsas strateji məntəqə olan Sərdarabad qalasını işğal edəndən İrəvanın müdafiə imkanları zəifləmişdi.

İrəvanın işğal olunmasında erməni əhalisi, Eçmiədzin kilsəsi ruslara hər cür yardım göstərmişdilər.

İrəvanın ələ keçirilməsinə görə Rusiya çarı general Paskeviçə "Qraf Erivanski" titulu vermişdi. İrəvanın süqutu müharibənin müqəddəratı faktiki olaraq həll etdi.

Əlavə bax:

http://az.wikipedia.org/wiki/%C4%B0r%C9%99van_qalas%C4%B1

http://www.azerbaijan-news.az/index.php?Lng=aze&year=2009&Pid=2111

http://sabiroghlu.azeriblog.com/2008/04/02/bizim-irevan-9

http://www.anl.az/down/medeniyyet2008/aprel/medeniyyet2008_aprel_199.htm

 * * *

1965 – Azərbaycanın məşhur qəzəlxan şairi Əliağa Vahid (1894-1965) vəfat edib.

Əliağa Məmmədqulu oğlu İsgəndərov (Əliağa Vahid) 1894-cü il fevralın 18-də Bakının Masazır kəndində anadan olmuşdur.

Əlavə bax:

http://bizimasr.media-az.com/arxiv_2002/oktyabr/226/meden.html

http://ru.wikipedia.org/wiki/%D0%90%D0%BB%D0%B8%D0%B0%D0%B3%D0%B0_%D0%92%D0%B0%D1%85%D0%B8%D0%B4

 * * *

1918 – Azərbaycan Xalq Cümhuriyyətinin Nazirlər Şurası Bakı Dairə Məhkəməsinin tərkibində prokurorluq orqanlarıının yaradılması barədə qərar qəbul edib.

Prezident Heydər Əliyevin 17 iyul 1998-ci il tarixli sərəncamına əsasən, 1 oktyabr prokurorluq işçilərinin peşə bayramı günü kimi qeyd edilir.

Əlavə bax:

http://anspress.com/index.php?a=2&lng=az&nid=4761

http://www.genprosecutor.gov.az/?/az/content/305/

http://library.aliyev-heritage.org/print.php?lang=az&page=5446392

 * * *

1992 – BMT-nin Nyu-Yorkdakı iqamətgahında Azərbaycan Respublikasının nümayəndəliyi açılıb.

Bunadək Azərbaycanın BMT-dəki nümayəndəliyi Türkiyənin təşkilatdakı nümayəndəliyində yerləşirdi.

Əlavə bax:

http://www.mfa.gov.az/index.php?option=com_content&task=view&id=594&Itemid=1

http://www.aztv.az/xbdx/x-1.asp?id=8034&il=2009

http://www.musavat.com/site/shownews.php?news_id=30041&arxiv=yes

 * * *

2001 – Azərbaycan Respublikası «Terrorizmin maliyyələşdirilməsi ilə mübarizə haqqında Beynəlxalq Konvensiya»ya qoşulub.

 * * *

2003 – ABŞ-ın Klivlend Klinikasında müalicə olunan prezident Heydər Əliyev Azərbaycan xalqına müraciət edib.

Dövlət başçısı səhhətindəki problemlər üzündən prezident seçkilərində iştirak edə bilməyəcəyini bildirib və seçiciləri baş nazir, Yeni Azərbaycan Partiyası sədrinin 1-ci müavini İlham Əliyevin namizədliyini dəstəkləməyə çağırıb.

Bu, Heydər Əliyevin Azərbaycan xalqına son müraciəti idi.

Əlavə bax:

http://bizimasr.media-az.com/arxiv_2003/oktyabr/0220/

http://bizimasr.media-az.com/arxiv_2003/oktyabr/219/

 * * *  

Bax:

►Bizim təqvim  ►Sentyabr

* * *