Bizim təqvim > Sentyabr > 28

Tarixdə bu gün: Azərbaycan

“Bizim təqvim” rubrikası altında təqdim edilən “Tarixdə bu gün: Azərbaycan” bölməsi elektron xronoqraf formatında tərtib olunub.  

Bölmədə Azərbaycanın tarixi, ictimai-siyasi, mədəni həyatı, şəxsiyyətləri haqqında yığcam məlumatlar təqvimin günləri üzrə təqdim olunur. 

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr edib.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 28 sentyabr hansı fakt və olaylarla yadda qalıb?

 

28 sentyabr

 

616 – Qədim Azərbaycan dövləti olan Albaniyanın (Qafqaz Albaniyası) qüdrətli hökmdarı Cavanşir (616-669) anadan olub.

Təməli erada əvvəl IV əsrdə qoyulan Albaniya dövlətində yeni eranın III əsrdən etibarən xristianlıq yayılmağa başlamış, lakin tezliklə dövlət zəifləyərək atəşpərəstliyin hakim olduğu Sasani (fars) imperiyasının tərkibinə qatılmışdı (262-ci il).

VI əsrin sonunda Albaniyada hakimiyyətə gələn Mehranilər sülaləsi dövləti dirçəltməyə başladı.

Cavanşir Mehraninin hakimiyyəti dövründə (642-ci ildən) Albaniya Sasanilərin əsarətindən çıxmış və regionun güclü dövlətinə çevirmişdi.

Əlavə bax:

http://az.wikipedia.org/wiki/Cavan%C5%9Fir

http://tarixci.azeriblog.com/2008/11/18/cavanshir

 * * *

1912 – Çar Rusiyasında IV Dövlət Dumasına seçkilər başlanıb. Ilk iki Dumadan fərqli olaraq, III Duma səlahiyyət müddətini (5 il) tam başa vurmuşdu.

III Dumada olduğu kimi, bu dəfə də Cənubi Qafqaz müsəlmanlarına (azərbaycanlı əhali) 1 yer ayrılmışdı.

IV Dövlət Dumasına yeganə azərbaycanlı deputat olaraq hüquqşünas Məmmədyusif Cəfərov seçildi.

Əlavə bax:

http://azerbaycanli.org/az/page130.html

http://www.xalqqazeti.com/index.php?lngs=aze&cats=9&ids=5131

http://az.wikipedia.org/wiki/M%C9%99mm%C9%99d_Yusif_C%C9%99f%C9%99rov

 * * *

2001 – ABŞ Konqresində Azərbaycana humanitar yardımı qadağan edən 907-ci düzəlişin (1992-ci ildə qəbul olunmuşdu) ləğvi məsələsi gündəmə gəlib.

Senator Sem Braunbekin hazırladığı layihədə Azərbaycanın Amerikanın antiterror kampaniyasında fəal dəstək verdiyi vurğulanır və 907-nin tam ləğvini nəzərdə tutulurdu. Erməni lobbisi buna şiddətlə qarşı çıxdı.

Nəticədə uzun müzakirələr sonrası Konqres ABŞ administrasiyasının xahişilə 2002-ci ilin yanvarında 907-ci qadağanın qüvvəsinin dayandırılması barədə qərar qəbul etdi.

Əlavə bax:

http://az.wikipedia.org/wiki/907-ci_d%C3%BCz%C9%99li%C5%9F

http://bizimasr.media-az.com/arxiv_2002/yanvar/22/xeber.html#1

http://az.trend.az/news/politics/foreign/1510944.html

 * *  * 

Bax:

►27 sentyabr