Bizim təqvim > Sentyabr > 15

Tarixdə bu gün: Azərbaycan

“Bizim təqvim” rubrikası altında təqdim edilən “Tarixdə bu gün: Azərbaycan” bölməsi elektron xronoqraf formatında tərtib olunub.

Bölmədə Azərbaycanın tarixi, ictimai-siyasi, mədəni həyatı, şəxsiyyətləri haqqında yığcam məlumatlar təqvimin günləri üzrə təqdim olunur. 

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr edib.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 15 sentyabr hansı fakt və olaylarla yadda qalıb? 

 

15 sentyabr

 

1918 - Nuru paşanın komandanlığı altında Azərbaycan-türk (Osmanlı) hərbi qüvvələrinin Qafqaz İslam Ordusu Bakını "Sentrokaspi diktaturası” hökumətindən və daşnak tör-töküntülərindən təmizləyib.

1918-ci ilin aprel-iyul aylarında Bakı Şaumyanın başçılıq etdiyi "Bakı Kommunası"nın, avqustun 1-dən isə ingilislərin dəstəyi ilə qurulmuş eser-menşevik-daşnak "Sentrokaspi" hökumətinin nəzarətində idi.

Qafqaz İslam Ordusu hissələrinin Bakıya hücumu öncəsi (14 sentyabr) ingilis hərbçilərin son dəstəsi də şəhəri tərk etmişdi.

Bakının azad olunması Azərbaycanın istiqlal tarixinin şanlı səhifəsi oldu. Milli hökumət Gəncədən Bakıya köçdü və Bakı Xalq Cümhuriyyətinin paytaxtı elan edildi.

Əlavə bax:

http://www.azerbaycanli.org/az/page357.html

http://www.gunaz.tv/xaber/qafqaz-islam-ordusu-ve-azerbaycan

http://az.wikipedia.org/wiki/Az%C9%99rbaycan_Demokratik_Respublikas%C4%B1n%C4%B1n_milli_ordusu

 * * *

1918 –  Gəncədə Azərbaycan Xalq Cümhuriyyətinin rəsmi qəzeti, Cümhuriyyət parlamentinin orqanı olan «Azərbaycan» qəzetinin ilk sayı çapdan çıxıb.

Əlavə bax:

http://www.azerbaijan-news.az/index.php?Lng=aze&year=2008&Pid=27344&poll_ident=1

http://www.mediaforum.az/articles.php?article_id=20080912012410426&lang=az&page=05

 * * *

1943 - Rejissor, ssenarist Xamis Muradov anadan olub. 

1969-cu ildən C.Cabbarlı adına «Azərbaycanfilm» kinostudiyasında çalışır. 2002-ci ildən kinostudiyanın direktorudur. 

* * *

1959 - Müğənni, Xalq artisti Brilliant Dadaşova anadan olub.

* * *

2004 – Prezident İlham Əliyevin fərmanı ilə (21 avqust 2004) Azərbaycanda bütün təhsil müəssisələrində yeni dərs ilinin sentyabrın 15-dən başlanması qərara alınıb.

15 sentyabr “Bilik günü” elan edilib.

Əlavə bax:

http://www.azerbaycanli.org/az/news-348.html

http://az.wikipedia.org/wiki/Bilik_G%C3%BCn%C3%BC

 * * *

2004 – Astanada MDB sammiti çərçivəsində Rusiya prezidenti Vladimir Putinin iştirakı ilə Azərbaycan və Ermənistan prezidentləri İlham Əliyev və Robert Koçaryan arasında növbəti görüş olub.

Əlavə bax:

http://bizimasr.media-az.com/arxiv_2004/37/gundem.html#1

http://www.azerbaycanli.org/az/page110.html

 * * *

2007 - Xalq rəssamı Elbəy Mirzə Həsən oğlu Rzaquliyev (17.6.1926 - 2007) vəfat edib.

* * *

2008 – Prezident İlham Əliyev “2008-2015-ci illərdə Azərbaycan Respublikasında yoxsulluğun azaldılması və davamlı inkişaf Dövlət Proqramı”n təsdiq edilməsi haqqında sərəncam imzalayıb.

* * *

Bax:

►14 sentyabr

 * * *

Tarixdə bu gün: Dünya

(mədəniyyət bölümü) 

 

15 sentyabr 1613 - Fransız yazıçısı Fransua de Laroşfuko (1613-1680) anadan olub. 

15 sentyabr 1789 - Amerika yazıçısı Ceyms Fenimor Kuper (1789-14.09.1851) anadan olub. 

15 sentyabr 1890 - İngilis yazıçısı, məşhur detektiv əsərlərin müəllifi Aqata Kristi (Agatha Mary Clarissa, 1890-1976) anadan olub. 

15 sentyabr 1894 - Fransız kinorejissoru, «Oskar» laureatı Jan Renaur (1894-1979) anadan olub. 

15 sentyabr 1923 - Məşhur rus nəğməkar şairi Mixail Taniç (1923-2008) anadan olub. 

15 sentyabr 1925 - Rus-sovet aktyoru Kirill Lavrovun (1925-2007) doğum günüdür. 

15 sentyabr 1946 - Amerika aktyoru, «Oskar» laureatı Tommi Li Cons (Tommy Lee Jones) anadan olub. 

15 sentyabr 1946 - Amerika kinorejissoru, üç dəfə «Oskar» laureatı Oliver Stoun (William Oliver Stone) anadan olub.