Bizim təqvim > Sentyabr > 9

Tarixdə bu gün: Azərbaycan

“Bizim təqvim” rubrikası altında təqdim edilən “Tarixdə bu gün: Azərbaycan” bölməsi elektron xronoqraf formatında tərtib olunub.

Bölmədə Azərbaycanın tarixi, ictimai-siyasi, mədəni həyatı, şəxsiyyətləri haqqında yığcam məlumatlar təqvimin günləri üzrə təqdim olunur. 

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr edib.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 9 sentyabr hansı fakt və olaylarla yadda qalıb? 

 

9 sentyabr

 

1578 – Səfəvi dövləti ilə Osmanlı imperatorluğu arasında çoxillik müharibələrin ikinci mərhələsi başlanıb.

Azərbaycanın şimal-qərbində Qanıx (Alazan) çayı sahilində (indiki Zaqatala-Balakən ərazisi) baş verən döyüşdə Səfəvi qoşunları qalib gəlib.

Lakin müharibənin sonrakı döyüşlərində Osmanlılar ard-arda qələbəlar qazandılar və 1590-cı ildə bağlanan İstanbul sülh sazişi ilə iki türk dövlətinin qanlı müharibələrinin növbəti mərhələsinə yekun vuruldu.

İstanbul sülh müqaviləsinə əsasən, Talış bölgəsi istisna olmaqla bütün Şimali Azərbaycan, Qərbi Azərbaycan, eləcə də Cənubi Azərvaycanın bir hissəsi (Şirvan və Qarabağdan Təbriz və Marağayadək ərazilər) Osmanlı dövlətinin nəzarətinə keçdi.

Əlavə bax:

http://www.salaminfo.az/tarix/115.html

http://www.gunaz.tv/xaber/diplomatiya-tariximize-deyerli-tohfe

http://oyunkod.azersayt.com/blog.html?page=comments&member=SM&newsid=19507

http://az.wikipedia.org/wiki/S%C9%99f%C9%99vil%C9%99r_d%C3%B6vl%C9%99ti

 * * *

1991 – Erməni silahlı dəstələri Dağlıq Qarabağın azərbaycanlı əhalisinə qarşı yeni terror aktları həyata keçiriblər.

Ağdam-Xocavənd avtobusunun atəşə tutulması nəticəsində 5 nəfər qətlə yetirilib 34 nəfər yaralanıb.

Ağdam-Qaradağlı marşrutu üzrə avtobusun gülləbaran edilməsi nəticəsində 8 azərbaycanlı həlak olmuş, 42 nəfər xəsarət almışdı.

Əlavə bax:

http://www.mns.gov.az/terroractspart7_az.html

http://www.ismayiltunc.com/terror10.html

 * * *

1942 – SSRİ Dövlət Müdafiə Komitəsinin (sədr İosif Stalin) qərarı ilə Azərbaycan SSR ərazisində rəsmən hərbi vəziyyət elan edilib.

Bu vaxt faşist Almaniyasının qoşun birləşmələrinin artıq Qafqaz dağlarında idi və Bakı üzərinə hava reydləri həyata keçirilirdi.

Əlavə bax:

http://www.9may.az/article_az.php?subaction=showfull&id=1112707666&archive=&start_from=&ucat=14

 * * *  

Bax:

►8 sentyabr

* * *

Tarixdə bu gün: Dünya

(mədəniyyət bölümü) 

9 sentyabr 1583 - İtalyan bəstəkarı Cirolamo Freskobaldi (Girolamo Frescobaldi, 1583-1643) anadan olub. 

9 sentyabr 1769 - Müasir Ukrayna ədəbiyyatının banilərindən biri, şair və yazıçı İvan Kotlyarovski (1769-1838) anadan olub. 

9 sentyabr 1823 - Rus ədəbiyyatşünası və filosofu Valerian Maykov (1823-1847) anadan olub. 

9 sentyabr 1828 - Dünya şöhrətli rus yazıçısı və mütəfəkkiri Lev Nikolayeviç Tolstoyun (1828 - 20.11.1910) doğum günüdür. 

9 sentyabr 1908 - İtalyan yazıçısı Çezare Paveze (Cesare Pavese, 1908-1950) anadan olub. 

9 sentyabr 1930 - Rus aktrisası Nadejda Rumyanseva (1930-2008) anadan olub. 

9 sentyabr 1960 - İngilis kinoaktyoru Hyu Qrant (Hugh Grant - Hugh John Mungo Grant) anadan olub.