Bizim təqvim > Sentyabr > 3

Tarixdə bu gün: Azərbaycan

“Bizim təqvim” rubrikası altında təqdim edilən “Tarixdə bu gün: Azərbaycan” bölməsi elektron xronoqraf formatında tərtib olunub.

Bölmədə Azərbaycanın tarixi, ictimai-siyasi, mədəni həyatı, şəxsiyyətləri haqqında yığcam məlumatlar təqvimin günləri üzrə təqdim olunur. 

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr edib.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 3 sentyabr hansı fakt və olaylarla yadda qalıb?

 

3 sentyabr

 

1826 – Rusiya-İran müharibəsində İran qoşunları artıq ilk döyüşdə uğursuzluğa düçar olublar.

Şəmkir ətrafında baş verən döyüşdə məğlubiyyətə uğrayan şahzadə Abbas Mirzənin qoşunları geri çəkilməyə məcbur olublar. Bunun ardınca rus qoşunları Gəncə yaxınlığında da İran qoşunlarını məğlub ediblər.

Bu arada Gəncədə Rusiya işğalçılığına qarşı üsyan başlasa da, rus qoşunları onu yatırmağa müvəffəq olublar.

Əlavə bax:

http://www.azerbaycanli.org/az/page42.html

http://az.wikipedia.org/wiki/%C4%B0kinci_Rusiya-%C4%B0ran_m%C3%BCharib%C9%99si

http://www.conflict.aznet.org/main.html

 * * *

1951 – Xaql artisti, tanınmış aktyor Yaşar Nuri (Yaşar Məmmədsadıq oğlu Nuriyev) Bakıda anadan olub.

1968-1972-ci illərdə M.A.Əliyev ad.ADİİ-da təhsil alıb.1974-cü ildən Akademik Milli Dram Teatrının səhnəsindədir.

Teatr aktyoru kimi görkəmli sənətkar olan Yaşar Nuri həm də kinoda və televiziya tamaşalarında böyük populyarlıq qazanan çoxlu obrazlar yaradıb.

Əlavə bax:

http://azdrama.az/actors/yashar.html

http://az.wikipedia.org/wiki/Ya%C5%9Far_Nuri

http://www.qeribler.com/forum/72-2774-

 * * *

1993 – Milli Məclisin iclasında Azərbaycanın Müstəqil Dövlətlər Birliyinə üzv olması barədə qərar qəbul edilib.

Prezident səlahiyyətlərini həyata keçirən Heydər Əliyev Azərbaycanın MDB üzvlüyünə qarşı çıxan müxalifətin etirazlarına cavab olaraq bu üzvlüyün heç bir halda Azərbaycanın suverenliyinə xələl gətirməyəcəyini bəyan edib.

Azərbaycanın MDB-yə qoşulması sentyabrın 24-də MDB-nin Moskva sammitində rəsmiləşdi.

Əlavə bax:

http://bizimasr.media-az.com/arxiv_2001/new_dek/400/eks.html

 * * *

2008 – Amerika Birləşmiş Ştatlarının vitse-prezidenti Dik Çeyni Bakıya gəlib.

Bu, ABŞ-Azərbaycan münasibətləri tarixində Vaşinqtondan Bakıya ilk belə yüksək səviyyəli səfər idi.

Azərbaycan prezidenti İlham Əliyevin ABŞ vitse-prezidenti ilə görüşündə regionda vəziyyət (Rusiyanın Gürcüstana hərbi müdaxiləsi), iki ölkənin enerji təhlükəsizlik sahəsində və beynəlxalq terrorçuluğa qarşı mübarizədə əməkdaşlığı müzakirə edilib.

Əlavə bax:

http://www.azerbaijan-news.az/index.php?Lng=aze&year=2008&Pid=27534

 * * *  

Bax:

►2 sentyabr

 * * *

Tarixdə bu gün: Dünya

(mədəniyyət bölümü)

3 sentyabr 1863 - Norveç şairi və dramaturqu Hans Aanrud (1863-1953) anadan olub. 

3 sentyabr 1883 - Görkəmli rus yazıçısı İvan Sergeyeviç Turgenev (9.11.1818-1883) vəfat edib. 

3 sentyabr 1927 - Belarus yazıçısı Ales (Aleksandr) Adamoviç (1927-1994) anadan olub. 

3 sentyabr 1928 - Moldova yazıçısı və dramaturqu İon Druse (İvan Drusa) anadan olub. 

3 sentyabr 1941 - Rus yazıçısı Sergey Dovlatovun (1941-1990) doğum günüdür. 

3 sentyabr 1953 - Fransız kinorejissoru, ssenarist və dramaturqu Jan-Pyer Jene anadan olub.