Bizim təqvim > Avqust > 24

Tarixdə bu gün: Azərbaycan

“Bizim təqvim” rubrikası altında təqdim olunan “Tarixdə bu gün: Azərbaycan” bölməsi elektron xronoqraf formatında nəzərdə tutulub.

Bölmədə Azərbaycan tarixinin ictimai-siyasi, mədəni həyatın önəmli hadisələri, şəxsiyyətlər haqqında yığcam məlumatlar təqvimin günləri üzrə təqdim olunur. 

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr etmişdir.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 24 avqust hansı fakt və olaylarla yadda qalıb? 

 

24 avqust

 

944 – Kiyev-rus knyazı İqorun başçılıq etdiyi rus (slavyan) tayfalarının qoşunları Azərbaycan torpaqlarına daxil olaraq Bərdə şəhərini ələ keçiriblər.

Həmin dövrdə Qafqazın böyük ticarət mərkəzi olan Bərdə şəhəri şəhər knyaz İqorun quldur dəstələri tərəfindən talan edilib, əhaliyə divan tutulub.

Bundan bir qədər əvvəl (914) rus-slavyan qoşunları Azərbaycanın Xəzərsahili bölgələrinə ilk istilaçı yürüş etmişdilər.

Həmin dövrdə Azərbaycan ərazisində dövlətçiliyin (şimalda Şirvanşahlar, cənubda Salarilər dövləti) zəif olması xarici hücumları dəf etməyə imkan vermirdi.

Əlavə bax:

http://www.azerbaycanli.org/az/page42.html

http://az.wikipedia.org/wiki/B%C9%99rd%C9%99

 * * *

1578 – Səfəvi-Osmanlı müharibələrinin ikinci mərhələsi (birinci mərhələ 1555-ci ildə Amasya sülhü ilə yekunlaşmışdı) başlanıb.

Həmin il Çıldır döyüşündə Səfəvi qoşunlarına qalib gələn Osmanlı qüvvələri Tiflisi ələ keçiriblər.

Lakin bir qədər sonra (sentyabr) Səfəvi qoşunları məğlubiyyətin əvəzini çıxıb, Osmanlı ordusunun şimal-qərbi Azərbaycan torpaqlarına doğru irəliləməsinin qarşısı alınıb.

Əlavə bax:

http://www.salaminfo.az/tarix/115.html

http://oyunkod.azersayt.com/blog.html?page=comments&member=SM&newsid=19507

http://az.wikipedia.org/wiki/S%C9%99f%C9%99vil%C9%99r_d%C3%B6vl%C9%99ti

 * * *

2002 – Azərbaycanda Konstitusiyaya əlavə və dəyişikliklər ediliməsi bağlı ümümxalq səsverməsi - referendum keçirilib.

Mərkəzi Seçki Komissiyasının məlumatına görə, referendumda ölkə üzrə səsvermə hüququ olan 4 milyon 410 min nəfər əhalinin 88,47 faizi iştirak edib.

Referendum aktında Azərbaycan Konstitusiyanın 24 maddəsi üzrə 39 dəyişiklik təklif olunmuşdu. Həmin dəyişikliklər 8 qrup üzrə bölüşdürülmüşdü.

Rəsmi nəticələrə əsasən, dəyişikliklər paketinin lehinə (ayrı-ayrı bloklar üzrə) 96-97 faiz səs verilmişdi.

Əlavə bax:

http://bizimasr.media-az.com/arxiv_2002/avgust/193/xeber.html#2

http://bizimasr.media-az.com/arxiv_2002/avgust/194/xeber.html#1

 * * *  

Bax:

►23 avqust