Bizim təqvim > Avqust > 17

Tarixdə bu gün: Azərbaycan

Saytımızda yeni bölməni – “Bizim təqvim” rubrikası altında “Tarixdə bu gün: Azərbaycan” bölməsini təqdim edirik. Elektron xronoqraf formatında nəzərdə tutulan bölmədə Azərbaycan tarixinin təqvimin günlərində həkk olunmuş hadisə və faktları, ictimai-siyasi, mədəni həyatın önəmli hadisələri, şəxsiyyətlər haqqında yığcam bilgilər yer alacaq.

Bu işin böyük bir qismi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirdiyimiz "Azərbaycançılıq - milli eyniyyətdən qlobal dünyaya pəncərə: tədqiqat və təbliğat platformu” layihəsi çərçivəsində "Azərbaycan tarixi günbəgün" kitab-təqvimi hazırlanarkən görülmüşdür.

Təqdim olunan bölmədə həmin kitab-təqvimin yenilənmiş, zənginləşdirilmiş elektron variantı yer alacaq. Bununla yanaşı, hörmətli oxucularda bu bölməyə aid əlavə fakt və materiallar (təqvimin günləri üzrə) varsa, onları bizimlə bölüşməyi (vuqar@azerbaycanli.org) rica edirik.

Beləliklə, “Tarixdə bu gün: Azərbaycan” xronoqrafında 17 avqust hansı fakt və olaylarla yadda qalıb?

 

17 avqust

 

1942 – Dünya şöhrətli müğənni, SSRİ xalq artisti Müslim Maqomayev (1942-2008) Bakıda anadan olub.

Azərbaycan Dövlət Konservatoriyasını bitirib, uzun illər Azərbaycan Dövlət Opera və Balet Teatrının solisti, Azərbaycan Dövlət Estrada-Simfonik Orkestrinin bədii rəhbəri olub.

2008-ci il oktyabrın 25-də Moskvada vəfat edib, Bakıda, “Fəxri Xiyaban”da dəfn olunub.

Əlavə bax:

http://www.azerbaijan-news.az/index.php?Lng=aze&year=2008&Pid=29436

http://news.qaynar.info/?mod=view&id=7799

http://www.azadliqradiosu.az/content/article/1497776.html

1993 – Milli Məclisdə "Azərbaycan Respublikasının Lənkəran, Astara, Masallı, Lerik, Yardımlı, Cəlilabad və Biləsuvar rayonlarında yaranmış vəziyyət haqqında" qərar qəbul edilib.

Milli Məclisin qərarında Ələkram Hümbətovun qondarma "Talış-Muğan Respublikası" yaratmaq cəhdi dövlətçilik əleyhinə qəsd kimi qiymətləndirilib.

Parlament həmçinin dövlət əleyhinə fəaliyyətdə, o cümlədən Ə.Hümbətovla işbirliyində günahlandırılan Rəhim Qazıyevin Milli Məclis üzvlüyündən azad edilməsi və barəsində cinayət işinin açılması barədə qərar qəbul edib.

Əlavə bax:

http://bizimasr.media-az.com/arxiv_2002/yanvar/14/xeber.html

http://www.meclis.gov.az/muzey/Senedler/sened_9.html

http://www.azadliqradiosu.az/content/article/423731.html

 

2002 – Azərbaycan Respublikası Silahlı Qüvvələrinə Yardım Fondu yaradılıb.

Prezident Heydər Əliyevin fərmanı ilə Fondun Əsasnaməsi təsdiqlənib. Sənədə əsasən, Azərbaycan Beynəlxalq Bankında Fondun bank hesabları açılıb.

İlk dəfə olaraq ölkə əhalisi Azərbaycan ordusuna bilavasitə yardım göstərmək imkanı əldə edib.

Əlavə bax:

http://az.apa.az/news.php?id=151946

http://milaz.info/news.php?id=2873

 

Bax:

16 avqust