Bizim təqvim > Avqust > 16

Tarixdə bu gün: Azərbaycan

“Bizim təqvim” rubrikası altında təqdim olunan “Tarixdə bu gün: Azərbaycan” bölməsi elektron xronoqraf formatında nəzərdə tutulub.

Bölmədə Azərbaycan tarixinin ictimai-siyasi, mədəni həyatın önəmli hadisələri, şəxsiyyətlər haqqında yığcam məlumatlar təqvimin günləri üzrə təqdim olunur. 

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr etmişdir.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.  

Beləliklə, “Tarixdə bu gün: Azərbaycan” xronoqrafında 16 avqust hansı fakt və olaylarla yadda qalıb? 

 

16 avqust

 

1905 – Şuşada erməni-daşnak quldur dəstələrinin azərbaycanlı əhaliyə qarşı hucumlarının qarşısı alınıb.

Bakıdakı müsəlman qırğınlarından sonra ermənilərin eyni ssenarini Qarabağda da həyat keçirmək cəhdləri baş tutmayıb.

Erməni dəstələri Şuşa yaxınlığında ağır məğlubiyyətə uğrayıblar.

Bundan az öncə daşnakların silahlı dəstələri Qacar kəndindəki (Füzuli rayonu) döyüşdə məğlub edilmişdi.

Əlavə bax:

http://www.xalqqazeti.com/public/print.php?lngs=aze&ids=26571

http://www.azsam.org/modules.php?name=News&file=article&sid=423

http://bizimasr.media-az.com/arxiv_2003/iyul/153/tarih.html

http://www.gunaz.tv/xaber/1905-ci-il-ermeni-vehsilikleri-tofiq-hesenov

 * * *

1906 – Ümumrusiya müsəlmanlarının III qurultayı (Nijni-Novqorod) işə başlayıb. Avqustun 20-dək sürən qurultayda Ümumrusiya Müsəlmanları İttifaqının (“İttifaqi-Müslimin») proqram sənədləri, rəhbər strukturları təsdiqlənib.

Azərbaycanlı Əlimərdan bəy Topçubaşov Ümumrusiya Müsəlmanları İttifaqının rəhbəri secilib.

Əlavə bax:

http://www.rasulzade.org/ideology/5_19.html

http://www.azerbaycanli.org/az/page42.html

 * * *

1925 – Müasir Azərbaycan ədəbiyyatının görkəmli nümayəndəsi, xalq şairi, dramaturq, ictimai xadim Bəxtiyar Vahabzadə (1925-2009) Şəkidə anadan olub.

1959-cu ildə yazdığı tarixi "Gülüstan" poeması şairə məşhurluq gətirib. Zəngin yaradıcılığı boyunca 20-dək poema, 10 dram əsəri yazıb.

Bir neçə çağırış Azərbaycan respublikası Ali Sovetinin (1980-1995), Milli Məclisin (1995-2000) deputatı olub, «Şöhrət» və «İstiqlal» ordenləri ilə təltif olunub.

2009-cu il fevralın 13-də vəfat edib. Bakıda, Fəxri Xiyabanda dəfn olunub.

Əlavə bax:

http://www.vahabzade.net/

http://az.wikipedia.org/wiki/B%C9%99xtiyar_Vahabzad%C9%99

http://www.kataloq.net/v2/shexsler/B%C9%99xtiyar-Vahabzad%C9%99-42

 * * *

1993 – Ermənistan silahlı qüvvələrinin Cəbrayıl-Füzuli istiqamətində irimiqyaslı hücumu Cəbrayılın Quşçular, Qışlaq, Doşulu, Əfəndilər, Qaracallı, Balyand, Süleymanlı kəndlərinin işğalı ilə nəticələnib.

Füzuli istiqamətində hücum nəticəsində Aşağı Veysəlli, Zərgər, İşıqlı və s. kəndlər ermənilərin əlinə keçib.

Erməni hərbi birləşmələri hər iki rayon mərkəzinin bir neçə kilometrliyində qərar tutublar.

Əlavə bax:

http://bizimyol.az/index.php?mod=news&act=view&nid=14723

 * * *

Bax:

►15 avqust