Bizim təqvim > Avqust > 10

Tarixdə bu gün: Azərbaycan

“Bizim təqvim” rubrikası altında təqdim olunan “Tarixdə bu gün: Azərbaycan” bölməsi elektron xronoqraf formatında nəzərdə tutulub.

Bölmədə Azərbaycan tarixinin ictimai-siyasi, mədəni həyatın önəmli hadisələri, şəxsiyyətlər haqqında yığcam məlumatlar təqvimin günləri üzrə təqdim olunur. 

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr etmişdir.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 10 avqust hansı fakt və olaylarla yadda qalıb? 

 

10 avqust

 

1895 – Görkəmli hərbi xadim, general Cəmşid Naxçıvanski (1895-1938) anadan olub. Məşhur Naxçıvan xanları sülaləsinin axırıncı - altıncı generalıdır.

Cəmşid Naxçıvanski I Dünya müharibəsində Rusiya ordusunda müsəlmanlardan ibarət süvari eskadrona başçılıq edib.

1918-ci ildə Azərbaycana qayıdıb, Xalq Cümhuriyyətinin Milli Ordusunun qurulmasında, Bakının erməni daşnak-bolşevik qüvvələrindən azad olunmasında iştirak edib.

Sovetləşmədən sonra Cəmşid Naxçıvanski Azəbaycanda diviziya komandiri olub, Moskvada Frunze adına Hərbi Akademiyanı bitirib və orada dərs deyib.

1938-ci ildə repressiya olunaraq güllələnib.

Əlavə bax:

http://az.wikipedia.org/wiki/C%C9%99m%C5%9Fid_Nax%C3%A7%C4%B1vanski

http://shexsiyyetler.nakhchivan.az/nax_cemsid.html

http://news.trend.az/index.shtml?show=news&newsid=905388&lang=AZ

http://www.azerbaijan-news.az/index.php?Lng=aze&year=2008&Pid=28491

 * * *

1920 – Rusiya K(b)P-nin Qafqaz Bürosu Azərbaycan SSR-in rəhbərliyinin razılığı olmadan Naxçıvanın Şərur-Dərələyəz bölgəsini Ermənistana vermək bərədə qərar çıxarıb.

Rusiya K(b)P-nin Qafqaz Bürosunun qərarına əsasən, həmçinin Azərbaycanın Qarabağ və Zəngəzur bölgələri Ermənistan SSR-lə “mübahisəli ərazilər” elan olunub.

Bolşevik Rusiyası Azərbaycan torpaqları hesabına Ermənistanı şirnikləndirmək və sovetləşdirmək siyasəti güdürdü.

Azərbaycan Müvəqqəti İnqilab Komitəsinin sədri Nəriman Nərimanov buna qarşı çıxsa da, nəticəsi olmadı. 1920-ci ilin dekabrında Zəngəzur Ermənistana birləşdirildi.

Sonrakı illərdə Qazaxın dağlıq hissəsi – Dilican ərazisi, 1927-ci ildə Mehri-Cəbrayıl qəzalarından 24 kənd, 1929-cu ildə daha aşağı Zəngəzurdan Nüvədi, Tuğut və Yernəzir kəndləri, Naxçıvandan 9 kənd Ermənistana verildi.

Əlavə bax:

http://az.wikipedia.org/wiki/D%C9%99r%C9%99l%C9%99y%C9%99z

http://karabakh-doc.azerall.info/ru/isegod/isg030az-4.php

http://www.anl.az/el/q/qarabag_4/q-17.htm

http://www.azerbaijan.az/_Karabakh/_Documents/Documents/document_17_a.html

http://www.xalqcebhesi.az/news.php?id=7065

 * * *

1939 – Şair, “Qızıl Qələm” mükafatı laureatı Zəki İslam oğlu Yusifov anadan оlub.

 * * *

1990 – Erməni hərbi-təxribatçı dəstələri Azərbaycana qarşı növbəti qanlı terror aksiyalarını həyata keçiriblər.

Tbilisi-Ağdam marşrutu ilə işləyən sərnişin avtobusunun partladılması nəticəsində 20 nəfər həlak olub, 30 nəfər yaralanıb.

Həmin gün Şəmkir-Gəncə avtomobil yolunda Xanlar rayonunun Nadel kəndi yaxınlığında «LAZ» markalı avtobus partladılıb: 17 nəfər həlak olub, 26 nəfər yaralanıb.

Əlavə bax:

http://www.mns.gov.az/otherterroracts_az.html

 * * *

1995 – Azərbaycan Respublikası ilə Kanada (ölkəmizin müstəqilliyini 1991-ci il dekabrın 25-də tanıyıb) arasında diplomatik münasibətlər qurulub.

Əlavə bax:

http://mfa.gov.az/index.php?option=com_content&task=view&id=81&Itemid=43

 * * *

Bax:

►9 avqust