Bizim təqvim > Avqust > 8

Tarixdə bu gün: Azərbaycan

Saytımızda yeni bölməni – “Bizim təqvim” rubrikası altında “Tarixdə bu gün: Azərbaycan” bölməsini təqdim edirik. Elektron xronoqraf formatında nəzərdə tutulan bölmədə Azərbaycan tarixinin təqvimin günlərində həkk olunmuş hadisə və faktları, ictimai-siyasi, mədəni həyatın önəmli hadisələri, şəxsiyyətlər haqqında yığcam bilgilər yer alacaq.

Bu işin böyük bir qismi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirdiyimiz "Azərbaycançılıq - milli eyniyyətdən qlobal dünyaya pəncərə: tədqiqat və təbliğat platformu” layihəsi çərçivəsində "Azərbaycan tarixi günbəgün" kitab-təqvimi hazırlanarkən görülmüşdür.

Təqdim olunan bölmədə həmin kitab-təqvimin yenilənmiş, zənginləşdirilmiş elektron variantı yer alacaq. Bununla yanaşı, hörmətli oxucularda bu bölməyə aid əlavə fakt və materiallar (təqvimin günləri üzrə) varsa, onları bizimlə bölüşməyi (vuqar@azerbaycanli.org) rica edirik.

Beləliklə, “Tarixdə bu gün: Azərbaycan” xronoqrafında 8 avqust hansı fakt və olaylarla yadda qalıb?

 

8 avqust

 

1948 – Görkəmli kinoaktyor, xalq artisti Rasim Balayev Ağsuda anadan olub.

Kinodakı ilk baş rolu ("Nəsimi" filmi, 1974) ona şöhrət gətirib, bundan sonra onlarla filmdə müxtəlif obrazlar yaradıb.

"Özbəkfilm", "Mosfilm" və başqa studiyalarda da filmlərə çəkilib.

Azərbaycan Kinematoqrafçılar İttifaqının katibidir.

Əlavə bax:

http://az.wikipedia.org/wiki/Rasim_Balayev

http://kultaz.com/2007/12/12/rasim-balayev-komediya-janrinda-ozunu-gormur/

http://www.azadliqradiosu.az/content/article/1191847.html

 

1991 – Ermənistan ərazisində azərbaycanlı yaşayan sonuncu yaşayış məntəqəsi - Mehri rayonunun Nüvədi kəndi erməni silahlı qüvvələrinin hücumu nəticəsində talan edilib.

Erməni qüvvələri kəndin bütün əhalisini zorla deportasiya ediblər.

1988-ci ildə Ermənistanda azərbaycanlı əhaliyə qarşı başlanan etnik təmizləmə sona çatıb.

Əlavə bax:

http://www.dil-tarix-poeziya.gen.az/1_06.php

http://nuvadi.azeriblog.com/2009/01/16/nuvedi-2

http://www.xalqqazeti.com/index.php?lngs=aze&cats=16&ids=2539

 

2008 – Çin Xalq Respublikasının paytaxtı Pekin şəhərində XXIX Yay Olimpiya Oyunlarına start verilib.

Azərbaycan bu mötəbər yarışlarda 44 idmaçı ilə təmsil olunub.

Olimpiadada uğurla çıxış edən idmançılarımız ümumilikdə 7 medal (1 qızıl, 2 gümüş, 4 bürünc) qazanıblar.

Əlavə bax:

http://az.newsazerbaijan.ru/sport/20080826/42455424.html

http://az.apa.az/news.php?id=130611

http://bizimasr.media-az.com/arxiv_2004/29/idman.html

Bax:

7 avqust