Bizim təqvim > Avqust > 2

Tarixdə bu gün: Azərbaycan

“Bizim təqvim” rubrikası altında təqdim olunan “Tarixdə bu gün: Azərbaycan” bölməsi elektron xronoqraf formatında nəzərdə tutulub.

Bölmədə Azərbaycan tarixinin ictimai-siyasi, mədəni həyatın önəmli hadisələri, şəxsiyyətlər haqqında yığcam məlumatlar təqvimin günləri üzrə təqdim olunur. 

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr etmişdir.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 2 avqust hansı fakt və olaylarla yadda qalıb?

 

 

2 avqust

 

1898 – Azərbaycan kinosunun yarandığı gündür.

Həmin gün Bakıda Azərbaycan kinematoqrafının istehsalı olan ilk qısametrajli, səssiz film (“İlişdin”) nümayiş olunub.

Prezident Heydər Əliyevin “Azərbaycan kinosu gününün təsis edilməsi haqqında” 2000-ci il 18 dekabr tarixli sərəncamına əsasən, 2 avqust Azərbaycan kinosu günü kimi qeyd olunur.

Əlavə bax:

http://az.wikipedia.org/wiki/Az%C9%99rbaycan_Kinosu

http://cinema.aznet.org/film_az.html

http://anl.az/down/meqale/medeniyyet/medeniyyet_aprel2009/74812.htm

http://www.anl.az/rp_a4.html

* * *

1955 - Tanınmış aktyor, Azərbaycanın Xalq artisi Fəxrəddin Manafov Dağlıq Qarabağın inzibati mərkəzi olan Xankəndi (Stepanakert) şəhərində anadan olub.

Azərbaycan kinosunda yaddaqalan obrazlar qalereyası yaradıb.

Əlavə bax:

http://az.wikipedia.org/wiki/F%C9%99xr%C9%99ddin_Manafov

http://www.mct.gov.az/?/az/culturalworkers/2055/125

http://www.kino-teatr.ru/kino/acter/m/post/9715/bio/

* * *

 

1991 – Erməni təxribatçıları Dağlıq Qarabağın azərbaycanlı əhalisinə qarşı daha bir terror aktı həyta keçiriblər.

Hadrut (Xocavənd) rayonunun Dolanlar kəndində «QAZ-53» markalı avtomaşın partladılması nəticəsində 4 nəfər həlak olub 8 nəfər yaralanıb.

 * * *

2001 – Soçidə MDB sammiti çərçivəsində Azərbaycan, Rusiya və Qazaxıstan prezidentləri Heydər Əliyev, Vladimir Putin və Hursultan Hazarbayev arasında keçirilən görüşdə Xəzərlə bağlı məsələlər müzakirə edilib.

Prezidentlər İran hərbi gəmilərinin Azərbaycanın neft yataqlarında geofiziki kəşfiyyat aparan gəmisinə hücumunu (23 iyul) pisləyən birgə bəyanat qəbul ediblər.

Rusiya və Qazaxıstan Azərbaycanın Xəzərlə bağlı konstruktiv, mübahisələri dinc yolla nizamlamaq xəttinə dəstək veriblər.

Xəzərin statusu problemi haqqında bax:

http://www.azerbaijan.az/portal/WorldCommunity/CaspianStatus/caspianStatus_a.html

 * * *

2003 – Səhhətindəki problemlərlə bağlı Türkiyədə, Gülhanə Hərbi Tibb Akademiyasında (Ankara) müalicə olunan prezident Heydər Əliyev ARDNŞ-in 1-ci vitse-prezidenti, millət vəkili İlham Əliyevin Azərbaycanın baş naziri təyin olunmasına razılıq verilməsi ilə bağlı Milli Məclisə təqdimat göndərib.

 * * *

2008 – Bakıda hakim Yeni Azərbaycan Partiyasının IV qurultayı keçirilib.

Qurultay iştirakçıları partiyanın sədri, prezident İlham Əliyevin 2008-ci il 15 oktyabr prezident seçkilərində namizədliyini irəli sürülməsi barədə yekdil qərar qəbul ediblər.

 * * *

Bax:

►1 avqust