Bizim təqvim > İyul > 10
Tarixdə bu gün: Azərbaycan
“Bizim təqvim” rubrikası altında təqdim olunan “Tarixdə bu gün: Azərbaycan” bölməsi elektron xronoqraf formatında nəzərdə tutulub.
Bölmədə Azərbaycan tarixinin ictimai-siyasi, mədəni həyatın önəmli hadisələri, şəxsiyyətlər haqqında yığcam məlumatlar təqvimin günləri üzrə təqdim olunur.
Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr etmişdir.
Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.
Beləliklə, “Tarixdə bu gün: Azərbaycan” xronoqrafında 10 iyun hansı fakt və olaylarla yadda qalıb?
10 iyul
1835 – Görkəmli Azərbaycan şairi və maarifçisi Seyid Əzim Şirvani (1835-1888) Şamaxıda anadan olub.
Azərbaycan lirik və satirik poeziyasını zənginləşdirib, “Əkinçi”, “Ziya” qəzetlərində publisistik yazılar yazıb.
İlk dəfə olaraq Azərbaycan şairlərinin (200-dən çox) qısa tərcümeyi-halını və əsərlərindən nümunələri kitab şəklində ("Təzkirə") nəşr etdirib.
Əlavə bax:
http://az.wikipedia.org/wiki/Seyid_%C6%8Fzim_%C5%9Eirvani
http://www.adam.az/az.php?subaction=showfull&id=1217270160&archive=&start_from=&ucat=20,59&go=headlines&category=59
* * *
1918 – Azərbaycan və türk (Osmanlı) hərbi qüvvələri (Qafqaz İslam Ordusu) Kürdəmir yaxınlığındakı döyüşdə daşnak-bolşevik «Bakı Soveti»nin qoşunlarını məğlub ediblər. Kürdəmir qəsəbəsi işğalçılardan azad olunub.
Bu qələbədən sonra Qafqaz İslam Ordusunun daşnak-bolşevik qüvvələri üzərinə geniş əks-hücumu başlanıb.
İyulun 14-də azərbaycanlı-türk qoşun hissələri strateji əhəmiyyətli Kərar dəmir yolu stansiyasını ələ keçiriblər.
Əlavə bax:
http://www.sherg.az/2008/06/12/get=6247
http://www.azerbaijan-news.az/index.php?Lng=aze&year=2008&Pid=24771&ski...
http://www.xalqqazeti.com/public/print.php?lngs=aze&ids=23088
* * *
1924 – Ədəbiyyatşünas, tərcüməçi Əkbər Ağarza oğlu Babayev (1924-1979) anadan olub.
* * *
1932 – Tanınmış alim, akademik, fizika-riyaziyyat elmləri doktoru Məhəmməd Şahtaxtinski anadan olub.
Məhəmməd Şahtaxtinskinin bərk cisimlər (polad) fizikasına aid tədqiqatları iqtisadiyyatda geniş tətbiq olunur, əldə etdiyi elmi nailiyyətləri ilə xaricdə geniş tanınır.
Əlavə bax:
www.science.gov.az/.../shakhtakhtinskimgga.htm
* * *
1934 – Tanınmış riyaziyyatçı alim, pedaqoq, ictimai xadim Zahid Qaralov anadan olmuşdur.
1995-2005-ci illərdə Milli Məclisin deputatı olub. Yeni Azərbaycan Partiyası Siyasi Şurasının üzvüdür.
Əlavə bax:
http://www.anl.az/down/meqale/525/525_iyul2009/85661.htm
* * *
Bax:
►9 iyul