Azərbaycanlı.org

Qarabağ > Azərbaycanlı icması

Dağlıq Qarabağın azərbaycanlı icmasının mərkəzi qərargahı açıldı

İlham Əliyev: “Bu, müvəqqəti bir qərargahdır. Biz Dağlıq Qarabağa qayıdacaq, orada gözəl binalar tikəcəyik”

-07.07.2010-

İyulun 6-da Bakıda Azərbaycan Respublikası Dağlıq Qarabağ bölgəsinin azərbaycanlı icmasının mərkəzi qərargahının açılışı keçirilmişdir. Prezident İlham Əliyev mərasimdə iştirak etmişdir.

Dövlətimizin başçısının Azərbaycanın ərazi bütövlüyünün bərpa olunması istiqamətində həyata keçirdiyi tədbirlər, qaçqın və məcburi köçkünlərin həyat şəraitinin yaxşılaşdırılması üçün görülən işlər bu kateqoriyadan olan soydaşlarımızın hər zaman Prezident İlham Əliyevin diqqət və qayğısı ilə əhatələndiyini göstərir. Prezident İlham Əliyev dəfələrlə bəyan etmişdir ki, Dağlıq Qarabağın Azərbaycandan ayrılma mexanizmi yoxdur, Dağlıq Qarabağ əzəli Azərbaycan torpağıdır.

Azərbaycan Respublikası Dağlıq Qarabağ bölgəsinin azərbaycanlı icmasının mərkəzi qərargahının yeni binası da icmanın fəaliyyətinin əlaqələndirilməsi, bu sahədə həyata keçirilən işlərin səmərəsinin daha da artırılması baxımından mühüm addımdır.

Dağlıq Qarabağ bölgəsinin azərbaycanlı icmasının nümayəndələri dövlətimizin başçısını hərarətlə qarşıladılar. Prezident İlham Əliyev rəmzi açılışı bildirən lenti kəsdi, binada yaradılmış şəraitlə tanış oldu. >>>

* * *

Rövşən Rzayev: «Almaniya Bundestaqının vitse-spikeri Dağlıq Qarabağın Azərbaycanlı İcmasının qurultayı ilə bağlı məlumatı müsbət qarşıladı»

Dağlıq Qarabağ Bölgəsinin Azərbaycanlı İcması İctimai Birliyinin İdarə Heyətinin üzvü, Milli Məclisin Hüquq siyasəti və dövlət quruculuğu komitəsinin sədr müavini Rövşən Rzayevin “525-ci qəzet”ə müsahibəsi

-27.06.2009-

- Rövşən müəllim, məlum olduğu kimi, Almaniyanın Texniki Əməkdaşlıq Təşkilatı (GTZ) ilə Azərbaycan hökuməti, Milli Məclis arasında uzun illərdən bəri davam edən əməkdaşlıq mövcuddur. Azərbaycan-Almaniya parlamentlərarası dostluq qrupunun üzvü və bu çərçivədə keçirilən bir sıra tədbirlərin iştirakçısı kimi həmin əməkdaşlığı necə qiymətləndirirsiniz?

- Almaniyanın Texniki Əməkdaşlıq Təşkilatı ilə əməkdaşlıq çərçivəsində müxtəlif səviyyələrdə mühüm layihələr həyata keçirilir. Bu layihələr Azərbaycanda həyata keçirilən hüquqi islahatlara, hüquqi dövlət quruculuğuna, bu sahədə Almaniya ilə tərəfdaşlığa önəmli töhfə verir. İyunun 9-10-da Berlin şəhərində GTZ-nin, Almaniyanın Federal İqtisadi Əməkdaşlıq və İnkişaf Nazirliyinin təşkilatçılığı ilə keçirilmiş «Davamlı inkişaf hüquqi dövlətçilik tələb edir - əməkdaşlığın imkanları» adlı beynəlxalq konfrans da bu qəbildəndir. >>>

* * *

►Digər xəbərlər:

Azərbaycanlılar ermənilərlə Dağlıq Qarabağda yanaşı yaşamağa hazırdır (06.06.2009)

Bu fikir Dağlıq Qarabağın azərbaycanlı icmasının Bakıda keçirilmiş qurultayında vurğulanıb