Bizim təqvim > İyun > 22

Tarixdə bu gün: Azərbaycan

 

“Bizim təqvim” rubrikası altında təqdim olunan “Tarixdə bu gün: Azərbaycan” bölməsini elektron xronoqraf formatında nəzərdə tutulub.

Bölmədə Azərbaycan tarixinin ictimai-siyasi, mədəni həyatın önəmli hadisələri, şəxsiyyətlər haqqında yığcam bilgilər təqvimin günləri üzrə təqdim olunur.

Effektiv Təşəbbüslər Mərkəzi 2008-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə "Azərbaycan tarixi günbəgün" kitab-təqvimi hazırlayaraq nəşr etmişdir.

Təqdim olunan bölmədə "Azərbaycan tarixi günbəgün" kitab-təqvimin yenilənmiş elektron variantı yer alır.

Beləliklə, “Tarixdə bu gün: Azərbaycan” xronoqrafında 22 iyun hansı fakt və olaylarla yadda qalıb?

       22 iyun

 

1802 – Görkəmli şərqşünas alim, maarifçi Mirzə Kazımbəy (1802-1870) anadan olmuşdur.

Peterburq Universitetini bitirib, 1839-cu ildə «Türk-tatar dilinin qrammatikası» dərsliyini çap etdirib.

1853-cü ildə Peterburq Universitetində Şərqşünaslıq fakültəsi açılıb və Mirzə Kazımbəy onun ilk dekanı təyin edilib.

Rusiya Elmlər Akademiyasının ilk azərbaycanlı üzvü olub.

Mirzə Kazımbəy haqqında əlavə bax:

* * *

1806 – Azərbaycan torpaqlarına yürüşü davam etdirən çar Rusiyasının qoşunları Dərbəndi işğal ediblər.

Dərbəndin ələ keçirilməsi rus qoşunlarının Bakıya doğru yürüşünə imkan yaratdı.

* * *

1897 – Azərbaycan klassik vokal məktəbinin banisi, görkəmli müğənni, xalq artisti Bülbül (Murtuza Məmmədov, 1897-1961) Şuşada anadan olub.

Əsrarəngiz səsinə görə kiçik yaşlarından ona «Bülbül» adı verilib.

Bülbül Azərbaycan xalq mahnılarının, bəstəkar mahılarının, operaların baş partiyalarının unudulmaz ifaçısı, həmçinin böyük musiqiçi-pedaqoq olub. 

Bülbül haqqında əlavə bax:

* * *

1999 – Avropa Birliyi (AB) ilə Azərbaycan arasında Tərəfdaşlıq və Əməkdaşlıq Sazişi (1996-cı il aprelin 22-də Lüksemburqda imzalanıb) qüvvəyə minib.

Saziş Azərbaycanda iqtisadi inkişaf, bazar iqtisadiyyatına keçidin dəstəklənməsi, demokratiyanın möhkəmlənməsi, sosial, elmi, texniki və mədəni əməkdaşlıq sahəsində AB-nin dəstək və yardımını əhatə edir.

2004-cü ilin mayında prezident İlham Əliyevin Brüsselə səfəri zamanı AB-yə yeni üzvlərin qoşulması ilə əlaqədar olaraq Tərəfdaşlıq və Əməkdaşlıq Sazişinə Əlavə Protokol imzalanmışdır. 

Avropa Birliyi-Azərbaycan əlaqələri haqqında əlavə bax:

* * *

Bax həmçinin:

►21 iyun