Sayt haqqında

www.azerbaycanli.org saytı

"Effektiv Təşəbbüslər Mərkəzi" İctimai Birliyi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilən “Azərbaycançılıq - milli eyniyyətdən qlobal dünyaya pəncərə: tədqiqat və təbliğat platformu” layihəsi (sentyabr-dekabr 2008) çərçivəsində yaradılıb.

Effektiv Təşəbbüslər Mərkəzinin QHT-lərə Dövlət Dəstəyi Şurasının maliyyə yardımı ilə həyata keçirdiyi "Azərbaycanın dünyaya inteqrasiyası: tarix və mədəni irsin təbliği" layihəsi (may-oktyabr 2009) çərçivəsində isə saytın rus və ingilis dilində versiyaları hazırlanıb.

Sayt Azərbaycanın tarixi, bugünü, siyasi, iqtisadi, mədəni inkişafı, ölkəmizin dünyaya inteqrasiyası, Qarabağ problemi, azərbaycanlı diasporu haqqında ən çeşidli məlumatları əks etdirən, azərbaycançılığın dünya azərbaycanlılarını birləşdirən ideya və Azərbaycanı dünyaya tanıdan milli-mənəvi irs olaraq öyrənilməsi və təbliğinə həsr olunmuş elektron-məlumat bazası kimi nəzərdə tutulub.

Saytın Azərbaycan dilndə versiyası 2009-cu ilin yanvarında, rus dilində versiyası 2009-cu ilin iyulunda işə salınıb.

Saytın ingilis dilində versiyası 2009-cu ilin oktyabrında qismən (pilot rejimdə) fəaliyyətə başlayıb.

Hazırda saytın rus versiyasının zənginləşdirilməsi, eləcə də ingilis variantına materialların yüklənməsi davam edir. Son nəticədə saytın üç dildə informativ-analitik və təbliğat portalına çevrilməsi nəzərdə tutulur.

Bununla sayt Azərbaycanın tarix və bugününün, milli-mədəni zənginliyinin dünyaya çatdırılmasına, dünya azərbaycanlıları arasında daha sıx informasiya mübadiləsinə yeni zəmin yaratmaqla yanaşı, hazırda geniş müzakirə olunan «Virtual Azərbaycan»ın formalaşmasına da praktik töhfə ola bilər.

Dünya azərbaycanlılarının vahid informasiya şəbəkəsinin yaradılması, ölkəmizin dünyada maraqlarının təmin olunması üçün virtual məkanın imkanlarından istifadə Azərbaycan dövlətinin prioritet saydığı məsələlərdəndir və bu, «Azərbaycan Respublikasının Milli Təhlükəsizlik Konsepsiyası»nda (23 may 2007-ci il tarixli) da əksini tapıb.

Saytın layihə rəhbəri: Vüqar Əliyev (vuqar@azerbaycanli.org)

Redaktor: Xanlar Məmmədov (xanlar@azerbaycanli.org)