Azərbaycanlı.org

Tədbirlər > Göygöl-Helenendorf: konfrans > 2008

Azərbaycan tarixən tolerant ölkə olub

Azərbaycan-alman tarixi dostluğunu yaşadan Göygöl şəhərində keçirilmiş beynəlxalq konfransda bu fikir bir daha təsdiqini tapdı

Son vaxtlar Azərbaycan xalqının tarixinin, mədəniyyətinin, ölkəmizdə qədimdən var olmuş tolerantlıq, mədəniyyətlərarası dialoq irsinin dünyaya çatdırılması istiqamətində həm dövlət tərəfindən, həm də qeyri-dövlət xəttilə geniş işlər görülür.

Təqdirəlayiq haldır ki, xalqımızın sahib olduğu ümumbəşəri dəyərlərin, bu dəyərlərin əsasını təşkil edən azərbaycançılıq məfkurəsinin təbliğinə, son nəticədə Azərbaycanın beynəlxalq nüfuzuna xidmət edən bu mühüm fəaliyyət bölgələrimizin timsalında da özünü göstərir.

2008-ci il avqusutun 23-24-də Göygöl şəhərinin yaranmasının 189-cu ildönümünə həsr olunmuş tədbirlər də həmin amala xidmət edirdi. >>>

* * *

“Azərbaycanda alman icması:

tarix, mədəni miras, tolerantlıq”

mövzusunda beynəlxalq konfrans

(Göygöl şəhəri, 23 avqust 2008-ci il)

Təşkilatçılar:

"Effektiv Təşəbbüslər Mərkəzi" demokratik dəyərlərin öyrənilməsi və təbliği İctimai Birliyi (Birliyin həmtəsisçisi, Göygol rayonundan millət vəkili Rövşən Rzayev);

Göygol Rayonu İcra Hakimiyyəti.

İştirakçılar:

Milli Məclisin üzvləri - 14 nəfər;

Göygöl RİH - 15-20 nəfər;

xarici qonaqlar (Almaniya və Türkiyə səfirləri, Estoniya parlamentinin vitse-spikeri, almaniyalı tarixçilər, Helenendorf almanlarının varisləri, Bonn Universitetinin tələbələri) - təxminən 30-35 nəfər;

azərbaycanlı tarixçilər, yazarlar - 10 nəfər;

KİV təmsilçiləri - 15-20 nəfər;

“Effektiv Təşəbbüslər Mərkəzi” İB-nin üzvləri - 5 nəfər;

Göygöl rayonu ictimaiyyətinin nümayəndələri, Bakıdan və ətraf rayonlardan digər qonaqlar - 50-60 nəfər.

(150-160 nəfər iştirakçı).

Konfransa gəlmiş qonaqların əvvəlcə Göygöl RİH rəhbərliyi ilə görüşü oldu, «dəyirmi masa» formatında müzakirələr aparıldı, sonra konfrans zalında çıxış və məruzələr dinlənildi.

Konfransda 14 nəfər çıxış etdi, o cümlədən 2-si Almaniya və 2-si Azərbaycandan olmaqla 4 tarixçi alimin məruzəsi dinlənildi.

Məruzəçi və çıxışçılar:

Göygöl RİH başçısı Arif Seyidov;

Almaniyanın Azərbaycandakı səfiri Per Kristofer Stankina;

Türkiyənin Azərbaycandakı səfiri Hulusi Kılıç;

Estoniya parlamentinin vitse-spikeri Kristina Oyuland;

Bonn Universitetinin professoru, tarixçi, “EuroKaukAsiya” Mərkəzinin rəhbəri Eva Mariya Aux (məruzəçi);

Bonn Universitetinin professoru Rasim Mirzəyev (məruzəçi);

Azərbaycan almanları tarixinin tədqiqatçısı, t.e.n. Məmməd Cəfərli (məruzəçi);

Azərbaycan Dövlət İqtisad Universitetinin professoru, Göygöl (Helenendorf, Xanlar) rayonlarının tarixinin tədqiqatçısı Abbas Seyidov (Effektiv Təşəbbüslər Mərkəzinin məruzəçisi);

Tomas Fohrer (Helenendorf-Göygöl şəhərinin qurucularından olan Fohrerlər nəslinin nümayəndəsi (Almaniya, Ştutqart):

Göygöl rayonundan millət vəkili Rövşən Rzayev;

Millət vəkili Fuad Muradov;

Millət vəkili Siyavuş Novruzov;

Millət vəkili Məlahət Həsənova;

Millət vəkili Əkrəm Abdullayev.

Konfrans iştirakçıları Göygöl şəhərindəki alman kirxasına - 1857-ci ildə inşa edilmiş Müqəddəs Yohann lüteran kilsəsinə baş çəkdilər, kirxanın qülləsində yeni zəngin işə salınması mərasimində iştirak etdilər, fotosərgiyə tamaşa etdilər.

Konfrans barədə KİV-də, o cümlədən rusdilli mediada çoxsaylı yazılar dərc olunmuş, telekanallarda (Lider TV, AzTV, İTV, Gəncə TV) süjetlər verilmişdir.