“Fəxr edirəm ki, mən azərbaycanlıyam”
Heydər Əliyev
azerbaycanli.org
Milli eyniyyətdən qlobal dünyaya pəncərə
05 Dekabr 2019
[ 22:25 ] Mədəni müxtəliflik dövlətin milli zəngi ... ...
az | ru | en

XƏBƏRLƏR

30-11-2019 [ 22:25 ]

Mədəni müxtəliflik dövlətin milli zənginliyidir

A+ | A-

Azərbaycandakı multikultural mühitin təbliği məqsədilə üç dildə elektron toplu hazırlanıb...

⇔ ⇔ ⇔

Azərbaycanın ta qədimdən müxtəlif dinlərə, mədəniyyətlərə məxsus, dil və etnik fərqliliklərə malik xalqların yaşadığı məkan olub. Çoxmədəniyyətlilik bu gün də Azərbaycanın zənginliyi, milli sərvətidir. Ölkəmiz müstəqilliyini bərpa edəndən sonra milli-mədəni müxtəlifliyin təşviq edilməsi dövlət siyasətinin prioritetlərindən birinə çevrilib.

“Azərbaycan yüz illərlə bu torpaqda yaşayan bütün insanların vətəni olub, bundan sonra da vətəni olmalıdır” – ulu öndər Heydər Əliyevin 1993-cü ilin iyununda respublika rəhbərliyinə qayıdarkən bəyan etdiyi sözlər sonrakı illərdə həmin siyasətin əsas tezislərindən biri oldu. Prezident Heydər Əliyev hər zaman bir fikri xüsusi vurğulayırdı ki, çoxmillətli, çoxmədəniyyətli ölkə olmağımız bizim sərvətimizdir və bunu qoruyub saxlamalı, dünyaya layiqincə təqdim etməliyik.

Bu siyasət Prezident İlham Əliyev tərəfindən uğurla davam etdirilir. Azərbaycan dövləti tərəfindən mədəniyyətlərarası dialoqun təşviqi məqsədilə həyata keçirilən tədbirlər ölkəmizin dünyada arenada nüfuzunu artırmaqla yanaşı, xalqımızın milli həmrəyliyini möhkəmləndirir və ölkəmizi mədəniyyətləri qovuşduran məkan kimi beynəlxalq aləmə təqdim edir. Azərbaycanda yaşayan milli azlıqların mədəni irsinin, dilinin qorunub saxlanılması üçün məqsədyönlü iş aparılır. O cümlədən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının yardımı ilə həyata keçirilən layihələrin bu istiqamətdə mühüm rolu var.

“Effektiv Təşəbbüslər Mərkəzi” İctimai Birliyi QHT-lərə Dövlət Dəstəyi Şurasının yardımı ilə “Mədəni müxtəliflik dövlətin milli zənginliyidir” adlı elektron toplunun (Azərbaycan, rus və ingilis dillərində) hazırlanması” layihəsini həyata keçirib. Layihə də ölkəmizdəki multikultural mühitin, milli azlıqların mədəni irsinin Azərbaycan dövləti tərəfindən qorunub yaşadıldığını dünyaya tanıtmaq, bu istiqamətdə görülən işləri təbliğ etmək məqsədi daşıyır.

2019-cu ilin avqust-noyabr aylarında həyata keçirilən layihə üzrə Azərbaycan, rus və ingilis dillərində “Mədəni müxtəliflik dövlətin milli zənginliyidir” adlı elektron toplu hazırlanacaq və təşkilatın azerbaycanli.org saytında yerləşdirilib. Elektron resursda bu mövzuda normativ-hüquqi sənədlər, tədqiqat materialları və məqalələr, həyata keçirilən tədbir və layihələrlə bağlı informasiya bazası toplanıb.

Qeyd edək ki, ictimai birlik 2009-cu ildən QHT-lərə Dövlət Dəstəyi Şurasının maliyyə yardımı ilə “azerbaycanli.org – milli eyniyyətdən qlobal dünyaya pəncərə” adlı internet platformasını həyata keçirir. Ötən müddətdə müxtəlif elektron resurslar, o cümlədən Azərbaycan, rus dillərində və ingilis dillərində “Qarabağ tarixi”, “Qarabağ ədəbiyyatı”, “Azərbaycançılıq – bizi birləşdirən dəyər”, “Əsrin qan yaddaşı: 1918-2018” və digər toplular yaradılaraq azerbaycanli.org saytında istifadəyə verilib.

Yeni layihə üzrə hazırlanan “Mədəni müxtəliflik dövlətin milli zənginliyidir” adlı elektron topluya aşağıdakı linklər vasitəsilə keçid etmək mümkündür:

http://azerbaycanli.org/?page=123&lang=aze

http://azerbaycanli.org/?page=123&lang=rus

http://azerbaycanli.org/?page=123&lang=eng

 

 

baxılıb: 10308 dəfə

FOTO

    Siz bu yazıya rəy bildirə bilərsiniz.

    "rəy bildir" düyməsini tıklamadan öncə
    şəkildəki işarələri daxil edin

    DİGƏR XƏBƏRLƏR